¿Nun yos gustaría a los turistes sentir l'asturianu?

F. S.

AGORA

Turistas buscan la sombra el los Jardines de los Reyes Caudillos de la Catedral de Oviedo
Turistas buscan la sombra el los Jardines de los Reyes Caudillos de la Catedral de Oviedo Paco Paredes | EFE

Iniciativa pol Asturianu reclama que les pruebes de capacitación de guía permitan la especialización na llingua d?Asturies

14 jul 2022 . Actualizado a las 05:00 h.

De manera continua, creciendo de siguío nos años últimos, Asturies empieza a convertise nun destín buscáu por munchos turistes pa pasar de manera prestosa los díes del branu. Ye por ello qu'aumentó la demanda de guíes especializaos p'atender a los visitantes y, ente los requisitos pa la so formación ta la esixencia del conocimientu d'idiomes estranxeros, sobre manera inglés, francés y alemán.

Otramanera, dende Iniciativa pol asturianu reclamóse que se tenga en cuenta tamién la conocencia del idioma propiu d'Asturies nes pruebes yá que «dende va tiempu hai iniciatives empresariales orientaes nel sector de la cultura y turismu qu’apuesten pola llingua asturiana pa dar a conocer espacios d’Asturies que son un verdaderu ésitu»

Al traviés d'un comunicáu, la organización señaló que «esta decisión permitiría llograr la preparación de los y les guíes na llingua propia y, d’esta manera, llograr certificar el conocimientu del idioma y poder ufiertalo turísticamente».

«Apostar pola llingua propia xenera un valor añadíu a esa ufierta turística y permite tamién la promoción y normalización social del idioma. Amás, gracies a la cenciella intelixibilidá del asturianu col castellán ye posible facer cualesquier visita guiada n’asturianu con visitantes de diferentes puntos d’España», indicaron.

Nel so comunicau Iniciativa pol Asturianu considera que l’habilitación en llingua asturiana dientro d’esta convocatoria de guíes turísticos permitiría equiparar l'idioma al restu de llingües como l’inglés o l’alemán. «La certificación de la formación n’asturianu dientro de les pruebes de capacitación de guíes turísticos llogaría tamién impulsar el conocimientu y la formación en llingua asturiana, amás de da-y más valor y prestixu al idioma».