Unidas Podemos busca que'l Congresu encamiente al Gobiernu a promover la oficialidá del asturianu

La Voz

AGORA

MARISCAL | EFE

Tamién pretenden blindar los derechos del profesoráu pa evitar discriminación al traviés del reconocimientu de les especialidaes docentes

13 jul 2022 . Actualizado a las 19:54 h.

Unidas Podemos rexistró una propuesta de resolución nel marcu del Debate sobre l'estáu de la nación pa que'l Congresu de los Diputaos encamiente al Gobiernu a favorecer la oficialidá del asturianu y el gallego-asturianu.

Unidas Podemos rexistró un testu que busca defender les llingües propies del Estáu, velar pol cumplimientu de les lleis que les rixen y promover la conocencia de la realidá plurilingüística, amás de favorecer los procesos de reconocimientu de la oficialidá del asturianu y gallego-asturianu, amás d'acompañar el procesu de reconocimientu del aragonés.

Tamién pretenden blindar los derechos del profesoráu pa evitar discriminación al traviés del reconocimientu de les especialidaes docentes de les llingües que tovía nun son oficiales pero que tienen protección estatutaria. P'acabar, la resolución pretende que se promueva l'usu, la promoción y el conocimientu de les llingües del Estáu al traviés de la radiotelevisión pública; informó Europa Press.