El Congresu refuga col votu del PSOE una resolución pa promover la oficialidá del asturianu

La Voz REDACCIÓN

AGORA

Manifestación en Oviedo por la oficialidad del asturiano y el gallego-asturiano
Manifestación en Oviedo por la oficialidad del asturiano y el gallego-asturiano Jorge Peteiro | EUROPA PRESS

La iniciativa, que tuvo'l votu afirmativu de los proponentes buscaba defender les llingües propies del Estáu, velar pol cumplimientu de les lleis que les rixen y promover la conocencia de la realidá plurilingüística

15 jul 2022 . Actualizado a las 13:37 h.

El Congresu refugó esti xueves una propuesta de resolución d'Unidas Podemos nel marcu del Debate sobre l'estáu de la nación pa que'l Congresu de los Diputaos encamiente al Gobiernu a favorecer la oficialidá del asturianu y el gallego-asturianu.

La iniciativa, que tuvo'l votu afirmativu de los proponentes, PNV, Esquerra, Bildu, Junts y PdCat, buscaba defender les llingües propies del Estáu, velar pol cumplimientu de les lleis que les rixen y promover la conocencia de la realidá plurilingüística, amás de favorecer los procesos de reconocimientu de la oficialidá del asturianu y gallego-asturianu, amás d'acompañar el procesu de reconocimientu del aragonés.

Tamién pretendía blindar los derechos del profesoráu pa evitar discriminación al traviés del reconocimientu de les especialidaes docentes de les llingües que tovía nun son oficiales pero que tienen protección estatutaria. P'acabar, la resolución pretendía que se promoviera l'usu, la promoción y el conocimientu de les llingües del Estáu al traviés de la radiotelevisión pública, informa Europa Press.