Arranquen les visites guiaes al edificiu de Tabacalera de Xixón

la Voz REDACCIÓN

AGORA

El interior del edificio de Tabacalera, en Gijón
El interior del edificio de Tabacalera, en Gijón

L'oxetivu ye dar a conocer la historia de l'antigua Fábrica de Tabacos y el so estáu actual

19 jul 2022 . Actualizado a las 05:00 h.

La Fundación Municipal de Cultura (FMC) del Conceyu de Xixón abrió'l plazu de reserva pa les visites guiaes al emblemáticu edificiu de Tabacalera.

L'oxetivu ye dar a conocer la hidtoria de l'antigua Fábrica de Tabacos y el so estáu actual. Les visites guiaes van tener llugar dende esti próximu vienres hasta'l día 18 de setiembre.

En concretu, van tener llugar los llunes, miércoles y vienres, a les 12.30 hores; los sábados, a les 12.30 y a les 18.00 hores; y los domingos, a les 12.30 hores; según la información facilitada pola FMC.

La duración de les visites ye d'una hora aproximao y l'aforu máximu ye de 15 persones. La entrada a la visita, que ye de baldre, va facese pela cai María Bandujo. La reserva de plaza puede facese nel teléfonu 985 18 52 34. Eso sí, dende la FMC alvierten de que les condiciones del espaciu nun permiten que seya una visita accesible.

Quien visite l'históricu edificiu va poder ver restos del pasáu romanu del inmueble, que tamién foi conventu y fábrica de tabacos.