Mieres abre la zona nueva de xuegos infantiles del parque de Turón

J.L. REDACCIÓN

AGORA

Nuevo parque infantil de Turón
Nuevo parque infantil de Turón Ayuntamiento de Mieres

El conceyu invierte cuasi 98.000 euros nes instalaciones

26 jul 2022 . Actualizado a las 11:34 h.

El Conceyu de Mieres abrió la zona nueva de xuegos infantiles del parque de Turón. Un proyectu que, con cuasi 98.000 euros de presupuestu, permitió ampliar esta zona, sustituyir el suelu y tolos xuegos esistentes y l'allugamientu d'un zarru perimetral nuevu pa la zona de la escalera asitiada cerca d'esti espaciu.

Los neños de Turón cunten dende'l vienres -día d'apertura d'esta zona- con xuegos infantiles nuevos, qu'inclúin xingadorios -unu d'ellos inclusivu pa persones con movilidá o visión amenorgada-, dellos toboganes y espacios de multixuegu pal esfrute y el xuegu compartíu de neños de forma simultánea.

L'Alcalde, Aníbal Vázquez, acompañáu pola conceyala responsable del área de Desenvolvimientu Urbanu Sostenible, Delia Campomanes, y el conceyal d'Obres y Caltenimientu, Luis Ángel Vázquez Maseda, visitaron esta zona de xuegos nueva y recordaron qu'esta obra enmárcase dientro del oxetivu d'ameyorar les instalaciones y espacios de xuegu de los neños nel conceyu, creando «entornos d'ociu seguros y risonderos pal so esfrute».

Esti plan de meyora y anovación de parques infantiles púnxose en marcha en Santa Cruz y dende'l primer momentu incididieron en qu'esta acción nun diba ser aisllada y que pretendía siguise avanzando n'ameyorar les distintes zones de xuegu del conceyu y nesi oxetivu enmárcase esta actuación y otres que tán en marcha o a puntu d'arrancar, como la de la zona de riba del Parque Xovellanos, que les sos obres empezaron con una inversión prevista de más de 60.000 euros.