Asturies foi la sesta comunidá autónoma col costu unitariu del agua más baxu
28 jul 2022 . Actualizado a las 05:00 h.El consumu d'agua per habitante asitióse n'Asturies nel añu 2020 en 136 llitros al día, lo que supón un amenorgamientu del 2,9% al respective de 2018, según l'informe biañal publicáu pol Institutu Nacional d'Estadística (INE).
Nel conxuntu del estáu, el consumu caltúvose estable en 133 llitros per habitante y día. Les comunidaes con mayores consumos per habitante y día fueron Cantabria, con 165 llitros; Comunidá Valenciana, con 157; Murcia, con 150, y Castiella y Lleón, con 144. Nel otru estremu asitiáronse País Vascu, con 97 llitros; Baleares, con 117, y Estremadura y Navarra, con 120.
El costu unitariu del agua xubió nel conxuntu del país un 0,5 por cientu, hasta 1,92 euros per metru cúbicu. Asturies foi la sesta comunidá autónoma col costu unitariu más baxu, 1,38 euros, per detrás de Castiella y Lleón (1,10), La Rioxa (1,17), Galicia (1,24), Castiella-La Mancha (1,30) y Navarra (1,32).
Les comunidaes col costu más altu fueron Cataluña (2,66 euros per metru cúbicu), Baleares (2,52), Murcia (2,51) y Canaries (2,20).