La selección española de voleibol femenín va xugar dos partíos del preeuropéu n'Asturies
AGORA
Nel combináu nacional xueguen dos asturianes, Cristina Llorens, de Xixón, y María Schlegel, d'Avilés
02 ago 2022 . Actualizado a las 05:00 h.La selección española de voleibol femenín va xugar n'Asturies dos partíos del preeuropéu. Nel combináu nacional xueguen dos asturianes, Cristina Llorens, de Xixón, y María Schlegel, d'Avilés.
Les selecciones nacionales de Dinamarca, Eslovaquia, Letonia y España, encuadraes nel grupu «E», van xugase les dos places de clasificación pal Européu 2023, que van entamar conxuntamente Bélxica, Estonia, Alemaña ya Italia.
España va empezar la so fas de clasificación el próximu día 20 d'agostu en Dinamarca y dempués va llegar la vez d'Asturies, onde la selección va xugar el día 24 d'agostu nel Palaciu de los Deportes de Xixón, a les 19:30 hores, frente a Eslovaquia; y el día 27 d'agostu, n'Avilés, frente a Letonia nel complexu Deportivu Avilés.
Col envís d'afitar la so clasificación pal Campeonatu d'Europa, les españoles van dexar Asturies el día 2 de setiembre camín de Riga, onde van xugar contra Letonia'l día 4.
Tola información pa les entraes ya invitaciones pa ver a la Selección Española va tar na páxina web de la Federación Asturiana de Voleibol www.fvbpa.com. El preciu de les entraes va ser de 5 euros.