El proyectu tien l'oxetivu de poner en valor el ricu patrimoniu cultural del conceyu
05 ago 2022 . Actualizado a las 18:29 h.La llocalidá de Pel.luno protagoniza esti domingu, 7d'agostu, la ruta etnográfica Baxo l’horru, una actividá entamada pol Conceyu d'Ayer, que cuenta col sofitu y el financiamientu de la Conseyería de Cultura, Política Llingüística y Turismu nel marcu de los circuitos culturales Asturies cultura en rede.
Con esta iniciativa el conceyu tien l'oxetivu de poner en valor l'arquitectura tradicional del conceyu y, en concreto, los horros y paneres de les llocalidaes de Pel.luno y de Casomera, onde se va realizar l'actividá'l día 21 d'agostu, yá que se trata de les poblaciones que caltienen el mayor númberu d'exemplares.
La ruta programada va consistir nuna visita guiads, que va correr al cargu de la Asociación d'Amigos del Horru Asturianu, na que se va amosar la importancia d'una de les construcciones más representatives de l'arquitectura asturiana, percorriendo los exemplos más destacaos del conceyu. Los participantes van poder conocer tolos detalles ya intereses de los horros y paneres allugaos nes mentaes poblaciones, pa lo que se llevó un estudiu concienzudu de los mesmos.
Les rutes van empezar a les 11 hores y van tener una duración aproximada de trés hores. L'actividá ye de baldre, pero pa participar ye preciso acutar primero al traviés de la páxina web municipal (www.aller.es) o per teléfonu (985 48 14 39).
«Apostemos por esta iniciativa pa sopelexar los valores de la nuestra arquitectura tradicional y, coles mesmes, col fin de crear un productu turísticu cola etnografía como protagonista», esplica la conceyala de Turismu, Elena Zapico Pando.