Castrillón va mercar cuatro vehículos 100% eléctricos

J.L. REDACCIÓN

AGORA

Un punto de recarga para coche eléctrico
Un punto de recarga para coche eléctrico

Van ser dos furgonetes de trés places, otra con capacidá pa nueve persones y un turismu que se van emplegar nel serviciu municipal d'obres

08 ago 2022 . Actualizado a las 21:17 h.

El serviciu municipal d'obres va contar en Castrillón con cuatro vehículos de funcionamientu eléctricu puro. En concreto, los automóviles colos que se va anovar y va ameyorase la eficiencia enerxética del parque móvil municipal van ser un turismu con tracción a les cuatro ruedes y trés furgonetes, dos d'elles de trés places y la restante, de nueve places.

La llicitación pal suministru de los vehículos estremóse en dos llotes, con un presupuestu base de llicitación total de 149.919 euros, con cargu al presupuestu de 2023. Daqué más de la metá d'esta estimación, 75.262 euros, correspuende a les dos furgonetes con capacidá pa trés ocupantes. El presupuestu calculáu pa la furgoneta grande ye de 39.688 euros,  ente qu'otros 34.969 euros correspuenden al turismu 4x4.

Pa l'axudicación valoraráse la propuesta con una meyor relación calidá/preciu. El criteriu económicu va ser el preponderante, con un pesu del 70% na valoración. Amás, va tenese en cuenta l'ampliación de la garantía concedida y l'amenorgamientu nos plazos d'entrega, sopesaos caún d'ellos con un 15%.

Les empreses interesaes en realizar ufiertes pa l'axudicación de dalgún de los llotes o de los trés van poder unviales hasta'l xueves de la selmana qu'entra, 18 d'agostu. El plazu máximu d'entrega de los vehículos ye de seis meses en tolos casos.