A la convocatoria presentáronse 20 candidatures
10 ago 2022 . Actualizado a las 05:00 h.Llaboral Centru d'Arte escoyó seis proyectos d'asturianos o de residentes n'Asturies na segunda edición de la so convocatoria de residencies artístiques que van ser acoyíos mientres un periodu máximu de trés meses.
Esta convocatoria, a la que pueden presentase artistes de distintos campos que los sos proyectos precisen sofitu, recibió venti proyectos, de los que s'escoyeron los que vienen darréu: «OPTICOM» d'Artea; «Echoes» de Jorge Granda Rodríguez; «Furacus» d'Òscar Ivars/Manflorites; «Luna» de Luz de Gas Teatro; «Desatado» d'Andrelo S y «Hacer Territorio Atando Cabos» d'Irene Trapote Carpintero.
El xuráu, compuestu por trés espertos na materia, valoró distintos parámetros como que contengan investigación artística sobre'l territoriu asturianu o que trate retos sociales contemporaneos, amás d'una busca equilibrada ente l'apueste por talentos nuevo y el sofitu a artistes más afitaos.
Los residentes escoyíos van empezar a trabayar nel centru la primer selmana de setiembre y van tener a la so disposición un estudiu, recursos técnicos, accesu al centru de producción y participación gratuita en cursos de formación profesional del centru pa poder perfeccionar y materializar les sos habilidaes. En rematando'l periodu de residencia entamarán actividaes pa presentar los procesos y resultaos de la so residencia y asina favorecer l'espardimientu de los sos proyectos ya investigaciones artístiques