La mina d'Arnáu programa un tercer descensu con Isabel II

J.L. REDACCIÓN

AGORA

La visita teatralizada va repetise'l día 24 a les 20 hores dempués d'escosase les places nes de les 18 y 19 hores

18 ago 2022 . Actualizado a las 05:00 h.

El Muséu de la Mina d'Arnáu va tener el próximu 24 d'agostu trés visites teatralizaes a les galeríes, dempués de que na fin de selmana escosaren les places pa participar nes dos primeres anunciaes.

La iniciativa, realizada en collaboración col colectivu Cuéntame un cuadro, recrea la visita a la esplotación minera d'Isabel II, que tuvo llugar en 1858 nun viaxe que la reina llevó a cabu per Asturies. A los descensos a les galeríes anunciaos pa les 18 y 19 hores del día 24, con places escosaes yá, súmase un terceru, a les 20 hores.

Pa participar nesta tercer visita ye imprescindible la reserva telefónica previa, llamando al teléfonu del muséu de Castrillón, 985507799. Les entraes tienen un preciu de 4,50 euros ya inclúin, amás del descensu a les galeríes, la visita a la zona espositiva, onde s'atopa la colección permanente y onde estos díes pueden contemplase tamién los trabayos de la especialista en collage María Llardent.

Les visites teatralizaes van llevase a cabu'l próximu miércoles, 24 d'agostu, cuando se cumplen esactamente 164 años dende la visita rexa. Nel percorríu, una actriz qu'encarna a la fía de Fernando VII y María Cristina va compartir colos visitantes la so esperiencia al baxar a la escuridá de les galeríes