Paséu cicloturista Bustiello-Mieres «por una movilidá sostenible»

J.L. REDACCIÓN

AGORA

La xornada complétase con una comida popular en Bustiello

01 sep 2022 . Actualizado a las 05:00 h.

L'Asociación La Pudínga, de Bustiello, entama pa ésti sábadu, 3 de setiembre, el segundu paséu Cicloturista Bustiello- Mieres, col lema «Por una movilidá sostenible».

El paséu va salir de la plaza del Conceyu de Mieres a les 12:00 hores, anque los participantes tán convocaos a les 11:30 hores. Les persones interesaes en participar y que nun dispongan de bici pueden ponese en contactu cola empresa de deporte y aventura «El Norial de Mieres», qu'anguaño collabora na organización y arrienda bicicletes.

En llegando a Bustiello, va tener llugar una comida popular, una arrozada. Los vales pa l'arrozada tán disponibles a la venta nel Albergue de Bustiello, el Polideportivu de Santa Cruz y la Llibrería Peluche, cai la Pista númberu 2 de Mieres.

Los organizadores animen «a quien seyan amigos de la bicicleta y les actividaes nel campu a participar nel paséu y na comida que se va celebrar na plaza del pueblu, al llau de la Ilesia». Nesta actividá collabora'l Conceyu de Mieres.