Un total de 70 cantantes de toa Asturies inscribiéronse nesti certame
09 sep 2022 . Actualizado a las 18:06 h.El XXIII Certame de Canción Asturiana, entamáu pola Asociación de la Canción y el Folclore Valle del Nalón, principia esti vienres, nel Teatru Municipal, cola actuación de los ganadores absolutos de la última edición, Celestino Rozada y Lorena Corripio, amás de los ganadores na categoría d'aficionaos, Dorinda García y Avelino Fernández.
Un total de 70 cantantes de toa Asturies inscribiéronse nesti certame que va tener cinco eliminatories, trés semifinales y dos finales, que se van celebrar ente l'Aula Cultural Onofre Rojo, en Sotrondio, y nel mesmu Teatru, en L'Entregu, cada vienres a partir del día 16 y hasta el 25 de payares.
Los cantantes van apostar hasta cinco premios pa cada categoría: masculina, femenina, aficionaos y xuvenil, amás d'otros trés premios nes categoríes infantil y canción minera.
Coles mesmes, ta prevista la concesión d'un premiu especial a la interpretación meyor con acompañamientu de pianu d'una de los cantares grabaos por El Maragatu o La Busdonga, informa Europa Press.