Gonzalo Barreñada gana'l 43º Premiu Xosefa Xovellanos de novela n'asturianu con «El viaxe del cacique»
AGORA
El Premiu, convocáu pola Conseyería de Cultura, Política Llingüística y Turismu, ta dotáu con 6.000 euros y la publicación de la obra ganadora
15 sep 2022 . Actualizado a las 13:03 h.Gonzalo González Barreñada (Sotrondio, 1973) fíxose col Premio Xosefa Xovellanos de novela n'asturianu gracies a El viaxe del cacique, una novela histórica con elementos del xéneru de caballeríes. El xuráu destacó la «solidez del testu y el gran procuru formal qu'ayuda al desenvolvimientu esitosu de los personaxes».
El Premiu Xosefa Xovellanos, convocáu pola Conseyería de Cultura, Política Llingüística y Turismu, ta dotáu con 6.000 euros y la publicación de la obra ganadora.
El xuráu d'esta 43ª edición del galardón tuvo presidíu pol director xeneral de Política Llingüística, Antón García, y integráu por José Ángel Gayol, ganador de la edición anterior; Laura Rodríguez Solís, escritora; Natalia González Menéndez, escritora y llibrera; Marcos Martínez Fernández, filólogu y trabayador de l'Academia de la Llingua Asturiana y Liliana Díaz Gómez, profesora. Actuó como secretaria, Lourdes Álvarez, filóloga adscrita a la Dirección Xeneral de Política
Gonzalo González Barreñada (Sotrondio, 1973) ye llicenciáu en Xeografía y Historia y especializáu n'Historia del arte. Ente les obres publicaas destaquen La casa de Xuan Buelga; Hestories de Burgundu; Hestoria ensin contar; El pesu de la lluz y El llar n'orde col que ganó'l Premiu Xuan María Acebal, nel añu 2019. Con esti poemariu, Barreñada fue distinguíu pol Premiu de la Crítica de l'Asociación d'Escritores d'Asturies, na modalidá de poesía n' asturianu, informa Europa Press.