La Biblioteca d'Asturies reedita la obra teatral «La batalla de Covadonga», una rareza lliteraria del sieglu XIX
AGORA
Cultura esplica que la reedición del llibru va integrase na colección «Amiestu», qu'axunta un conxuntu variáu de testos que conformen un reflexu de la vida cultural del pasáu
28 sep 2022 . Actualizado a las 19:21 h.La Biblioteca d'Asturies Ramón Pérez de Ayala suma dos volúmenes nueves a la so llista de publicaciones propies. «La batalla de Covadonga», una pieza teatral escrita pol malagueñu Enrique Zumel en 1854 y «Varia Poética», una escoyeta de los poemes que'l xixonés Alfredo Alonso publicó a lo llargo de décades na prensa. Los dos obres van presentase al públicu esti xueves a partir de les 19.30 hores.
Dientro de la programación conmemorativa de los 1.300 años de la batalla de Cuadonga, publicase la obra d'Enrique Zumel, una curiosidá lliteraria de la qu'hasta agora namás se conocíen cuatro exemplares, ún d'ellos depositáu na Biblioteca d'Asturies.
En nota de prensa, Cultura esplica que la reedición del llibru va integrase na colección «Amiestu», qu'axunta un conxuntu variáu de testos que conformen un reflexu de la vida cultural del pasáu.