Cada participante va poder presentar una obra escrita n'asturianu d'ente 3 y 12 folios
03 oct 2022 . Actualizado a las 17:05 h.Hasta’l 14 d’ochobre ta abiertu’l plazu pa presentase a la sesta edición del Premiu de relatos curtios 'Xosé Caveda y Nava' concursu qu'a lo llargo de la so trayectoria va afitándose, por dotación económica y palmarés, como referente dientro de los dedicaos a la narrativa curtia nesta llingua.
Convocáu pol conceyu de Villaviciosa, cada participante va poder presentar, per triplicáu y en sobre zarráu, una obra escrita n'asturianu, d'ente 3 y 12 folios, d'acordies colos requisitos qu'establecen les bases del concursu. Los trabayos pueden presentase hasta'l 14 d'ochobre na Casa Conceyu de Villaviciosa, o bien mandase per corréu postal a Casa Conceyu de Villaviciosa, Plaza del Ayuntamientu, 1, 33300 Villaviciosa-Asturies, (Ref. VI Premiu de relatos curtios Xosé Caveda y Nava).
El premiu cunta, como n'ediciones anteriores, con una dotación económica de 1.000 euros y Manzana de Plata conmemorativa. Les bases completes pueden consultase nesti enllaz.