Les cuatro compañíes finalistes de la convocatoria de 2022 son Kamante Teatro, Carlos Alba, Factoría Norte y Nun Tris
04 oct 2022 . Actualizado a las 16:55 h.El festival Nel Amaro de teatru profesional en llingua asturiana llega a la so sesta edición con cuatro obres nes que'l públicu infantil y xuvenil ye'l protagonista.
El certame, entamáu pola Conseyería de Cultura, Política Llingüística y Turismu, va llevar al Teatru Filarmónica d'Uviéu los cuatro montaxes finalistes del Premiu Nel Amaro de teatru n'asturianu.
Les cuatro compañíes finalistes de la convocatoria de 2022 son Kamante Teatro, Carlos Alba, Factoría Norte y Nun Tris. Les sos propuestes tienen como destinatariu principal al públicu infantil y xuvenil.
Los espectáculos van poder vese tolos vienres d'ochobre, a partir de les 18.00 hores, y la entrada va ser llibre. Asina, Kamante Teatro, con 'Con M mayúscula' va tener representación el 7 d'ochobre; Carlos Alba, con 'Les madreñes vacíes', el 14 d'ochobre; Factoría Norte, con 'Aventurina, l'ablana', el día 21; y Nun Tris Producciones, con 'La sierva patrona', el 28 d'ochobre.