El Centru del Prerrománicu d'Uviéu acueye una esposición con un total de 25 noveles nes que tien protagonismu especial el míticu rei d'Asturies
13 oct 2022 . Actualizado a las 12:56 h.El Centru del Prerrománicu Asturianu súmase a la celebración del 1.300 aniversariu de la Batalla de Cuadonga mostrando una selección de noveles axuntaes pol Club de Llectura de Novela Histórica del Reinu d'Asturies, que dirixe Inés Arroni Castellanos y qu'aconceya davezu nel Centru.
La muestra 'Pelayo y Cuadonga a través de la novela', que va permanecer abierta al públicu dende'l vienres 14 d'ochobre al domingu 18 d'avientu, axunta un total de 25 noveles nes que tien protagonismu especial la figura de Pelayo, el mitu y la trescendencia de la Batalla de Cuadonga.
Asina, va dir acompañada de trés maquetes rellacionaes con esi momentu y la que foi la primer capital del Reinu d'Asturies: Cangues d'Onís. Trátase de recreaciones de La Santa Cueva, la ponte de Cangues d'Onís y la ilesia de la Santa Cruz en Cangues d'Onís, obra de Joaquín Suárez Fernández 'Perucho', que les realizó de forma artesanal a escala, con materiales asemeyaos a los orixinales, informa Europa Press.