El Festival Nel Amaro acaba esti vienres cola representación de «La sierva patrona», de Nun Tris

La Voz

AGORA

Teatro Filarmónica de Oviedo
Teatro Filarmónica de Oviedo

El certame, entamáu pola Conseyería de Cultura, Política Llingüística y Turismu, ta centráu nel teatru profesional en llingua asturiana y nesta edición acueye cuatro obres nes que'l públicu infantil y xuvenil ye'l protagonista

27 oct 2022 . Actualizado a las 13:16 h.

La obra «La sierva patrona», de Nun Tris, va representase esti vienres 28 d'ochobre a les 18.00 hores nel Teatru Filarmónica d'Uviéu dientro de la sesta edición del Festival Nel Amaro. Les obres finalistes del Festival Nel Amaro yá tan siendo puestes n'escena. Cada vienres d'ochobre, una pieza va representada nel Teatru Filarmónica d'Uviéu, con entrada llibre hasta enllenar l'aforu.

El certame, entamáu pola Conseyería de Cultura, Política Llingüística y Turismu, ta centráu nel teatru profesional en llingua asturiana y nesta edición acueye cuatro obres nes que'l públicu infantil y xuvenil ye'l protagonista. Esti vienres 28 ye'l turnu de 'La sierva patrona', obra que fala d'un xuegu amorosu simpáticu ente una criada y el so vieyu patrón, que resulta burlláu pola primera, informa Europa Press.