«Les madreñes vacíes», premiu Nel Amaro de teatru

La Voz

AGORA

Carlos Alba ya recibió esti gallardón pola so adaptación 'Llázaro de Tormes' en 2017

04 nov 2022 . Actualizado a las 14:01 h.

L'espectáculu 'Les madreñes vacíes', de Carlos Alba, ye'l ganador del VI Premiu Nel Amaro de Teatru profesional n'asturianu 2022. Ye la segunda ocasión en que'l trabayu d'Alba se reconoz col Premiu, porque nel 2017 recibió esti gallardón pola so adaptación 'Llázaro de Tormes'.

El xuráu destacó "el bon trabayu actoral, la interacción que consigue col públicu, la integración d'oxetos y títeres y l'usu d'una referencia lliteraria universal como Miguel Hernández p'ampliar el repertoriu teatral asturianu".

L'actor y monologuista Carlos Alba da vida al so testu, una fábula basada nun poema de Miguel Hernández y cuntada por un xuglar qu'entemez los títeres, la música y la palabra poética dientro del montaxe.