L'asociación Iniciativa pol Asturianu diz que hai «una discriminación»
12 nov 2022 . Actualizado a las 19:00 h.El Colexu de La Milagrosa de Xixón y l'asociación Iniciativa pol Asturianu presentaron reclamaciones énte la Conseyería d'Educación pol recorte d'hores de la materia de 'Llingua Asturiana y Lliteratura'.
L'asociación Iniciativa pol Asturianu indicó al traviés de nota de prensa, qu'Educación otorgaba pal centru un repartu horariu de 9 hores pal enseñu de la materia na etapa d'Educación Primaria --1,5 hores por nivel--, pero esti cursu la Conseyería redució esa dotación a 7 hores y media.
«El colexu tien una llinia únicamente y por mor d'esta decisión la docente tien qu'axuntar dos grupos de niveles distintos, conformando un grupu de más de 20 escolinos», señalaron, pa esplicar qu'esta situación nun ocurre cola asignatura de Cultura Asturiana, lo que supón «una discriminación pa Llingua Asturiana y Lliteratura».
Iniciativa alerta de qu'esto pue suponer que les families decidan matricular el cursu viniente a los escolinos nesta optativa y reclamó la restitución de la dotación horaria, informa Europa Press.