El candidatu del PP a la presidencia d'Asturies llama «chambonada llexislativa» a la llei de Garantía de la Llibertá Sexual, conocida como Llei de 'namás sí ye sí'
16 dic 2022 . Actualizado a las 12:22 h.El candidatu del PP a la presidencia d'Asturies nes elecciones autonómiques, Diego Canga, mostró públicamente esti xueves la so esmolición poles polítiques del Gobiernu del socialista Pedro Sánchez. «Hai una esmolición grande n'España polo que ta pasando col 'sanchismu'», dixo.
Canga pronuncióse nestos términos nunes declaraciones concedíes a Onda Cero Asturias recoyíes por Europa Press. Según el candidatu 'popular', el gobiernu de Pedro Sánchez caltién al país nuna situación de «sobresaltu permanente».
Refirióse a la «chambonada llexislativa» de la llei de Garantía de la Llibertá Sexual, conocida como Llei de 'namás sí ye sí'. Según Canga, la norma «ta permitiendo qu'haya rebaxes de penes pa violadores».
Pero amás, Canga criticó al Gobiernu central por «llexislar a la carta para l'independentismu catalán». El candidatu asturianu dixo que ye lo que ta faciendo'l gobiernu de Pedro Sánchez «pa caltenese en La Moncloa».
Per otru llau, Diego Canga dixo qu'aspira a axuntar tol votu del centroderecha n'Asturies pa consiguir una victoria nes elecciones autonómiques próximes.