Actualidá Con C de Ciencia y Cultura Escolinos

Denuncian que na Comisaría d'El Natahoyo impidieron a un ciudadanu poner nel so DNI la toponimia oficial

G.G. REDACCIÓN

AGORA

Imagen de archivo del stand de Iniciativa pol Asturianu en la Feria de Muestras Iniciativa pol Asturianu

La funcionaria denegó esti derechu porque'l sistema namás almite la forma «Las Vegas»

11 ene 2023 . Actualizado a las 20:04 h.

Iniciativa pol Asturianu denunció esti miércoles que na Comisaría de la Policía Nacional d'El Natahoyo, en Xixón, impidieron a un ciudadanu recoyer nel so DNI la toponimia oficial del so llugar de residencia --Les Vegues, en Corvera, con toponimia oficial dende 2007--.

L'asociación indicó que la funcionaria denegó esti derechu porque'l sistema namás almite la forma «Las Vegas». Por eso, el ciudadanu presentó un certificáu del Institutu Nacional d'Estadística y tamién d'empadronamientu col topónimu «Les Vegues».

Iniciativa pol Asturianu presentó delles reclamaciones énte Delegación de Gobiernu y énte'l Defensor del Pueblu pa reclamar l'actualización de les bases de datos pal usu de la toponimia oficial.