Víctor Suárez va coordinar el grupu de trabayu de la FSA-PSOE sobre política llingüística
AGORA
Nacíu n'Uviéu en 1988, Víctor Suárez ye maestru d'asturianu y divulgador
20 ene 2023 . Actualizado a las 19:05 h.La FSA-PSOE celebró esta tarde n'Uviéu la reunión de constitución del grupu de trabayu sobre política llingüística, un órganu impulsáu dende les secretaríes de Bienestar Social y Ciudadanía y d'Educación, Política Llingüística y Universidá y del que faen parte les sos responsables, María Fernández y María Luz Pontón. El coordinador del grupu va ser Víctor Suárez.
Nacíu n'Uviéu en 1988, Víctor Suárez ye maestru d'asturianu y divulgador. Tien formación en normalización llingüística y forma parte de la xunta permanente del Conseyu Asesor de Política Llingüística dende la creación. Como divulgador tien participao en distintos congresos nacionales y internacionales.
En calidá d'investigador tien participao en les Xornaes Internacionales d’Estudiu y tien publicao na revista «Lletres Asturianes» de l'Academia de la Llingua Asturiana. Ye traductor al asturianu de distintes noveles.