«Val pa tar a gustu conmigo, y sobre manera pa siguir calteniendo los pies na tierra», diz Aitor García
01 feb 2023 . Actualizado a las 18:49 h.L'alcalde de Bimenes, Aitor García, publicó güei nos sos perfiles de redes sociales la so nómina correspondiente al mes de xineru. «Ser mileurista, nun me convierte nin en meyor nin en peor, pero me val pa tar a gustu conmigo, y sobre manera pa siguir calteniendo los pies na tierra», escribió'l rexidor.
En concreto, la nómina en cuestión reflexa que l'Alcalde de Bimenes, conceyu de dalgo más de dos mil habitantes, cobró en xineru 1.087,31 euros líquidos.
Nel testu qu'acompaña a la nómina, el primera edil, que pertenez a la formación Asturianistes por Bimenes, recuerda que yá fixo pública hai siete años la primer nómina que cobró del Conceyu.
«Muestro esta nómina, la mio nómina, porque nun tengo otra. Porque anque soi presidente de la Mancomunidá Comarca de la Sidra, nun percibo nengún sueldu (tampoco nun cotizo y eso tamién ye públicu)», esplicó.
P'acabar, Aitor García diz qu espera dalgún día poder cobrar dalgo más. «¿Por qué non? Pero primero vamos iguar tolo que nos falta, que pa eso tamos equí», apunta nel testu, recoyíu por Europa Press.