Nel 2022, aumentó un 6% el númberu de contraetiquetes DOP, hasta algamar les 4.325.000 precintes.
04 feb 2023 . Actualizado a las 17:46 h.El Conseyu Regulador de la Denominación d'Orixe Protexida Sidra d'Asturies constató un «aumentu considerable» de les sos ventes en 2022, añu nel qu'aumentó un 6% el númberu de contraetiquetes DOP, hasta algamar les 4.325.000 precintes.
En 2022, espliquen en nota de prensa, aumentaron les ventes de sidra natural tradicional n'hostelería en comparanza con 2021 un 82%, y aumentaron les ventes nacionales un 6%. Per otru llau, la sidra axampanao baxó un 13%, según les contraetiquetes solicitaes polos llagares, hasta les 134.000. Producióse amás una medría en tienda propia del 4% al 6%.
Según estos datos, el Conseyu Regulador cree que la marca DOP Sidra d'Asturies «ta recuperada de les repercusiones causaes pola COVID-19», teniendo en cuenta que'l 82% de les ventes de la sidra natural tradicional foron al traviés de la canal hostelera; informó Europa Press.