Derechos Sociales quier diseñar, xunto entidaes y axentes sociales, una propuesta de posibles usos que va treslladar al Imserso
15 feb 2023 . Actualizado a las 09:55 h.La conseyera de Derechos Sociales y Bienestar, Melania Álvarez, anunció esti martes que'l so departamentu va coordinar coles entidaes del tercer sector y colos axentes sociales pa optimizar el Centru de Referencia Estatal pa persones con Discapacidáes Neurolóxiques (Credine) de Llangréu, centru nel qu'agora namás hai un programa d'adecuación a la vida cotidiana pa persones que sufrieron un ictus.
Na so intervención nel plenu, la conseyera señaló que'l so departamentu decidió «tomar la iniciativa» pa diseñar, xunto entidaes y axentes sociales, una propuesta de posibles usos que va treslladar al Imserso.
El Credine concibióse pa facilitar el procesu de transición a la vida normalizada de les persones que tienen trestornos neurolóxicos y ufiertar l'apoyu necesariu a la so familia, pero nunca llegó a poner en marcha al cien por cien los sos servicios. Énte esta situación, el titular de Derechos Sociales mostró la so intención de «tratar toles posibilidaes, pa que'l centru optimice los recursos disponibles».
A xuiciu de la conseyera esti plan va ser «un revulsivu» pa impulsar el modelu nuevu de cuidaos de duración llarga y pa la comarca.
Según informó nuna nota de prensa posterior el Principáu, la conseyera caltuvo ayeri la primer xunta sobre esti proyectu con representantes de Cermi Asturias. Los alcuentros van siguir nos díes próximos pa coordinar postures, tanto col restu d'entidaes como colos axentes sociales; informó Europa Press.