El trabayu ye obra del productor y director audiovisual Pablo Quiroga
23 feb 2023 . Actualizado a las 14:52 h.L'Academia de la Llingua Asturiana publicó un númberu nuevu de la colección «TermAst». Trátase de la ventésima primer propuesta que nesi casu ta dedicada al mundu del cine y que recueye cuasi 400 propuestes terminolóxiques.
El trabayu ye obra del productor y director audiovisual Pablo Quiroga, que recueye la terminoloxía de cine nun exemplar que yá ta abiertu pa la consulta llibre dende la páxina web de TermAst. TermAst ye'l centru encargáu de la coordinación xeneral de les xeres terminolóxiques vinculaes a la llingua asturiana. Surdió en xineru de 2009 al traviés d'un pactu ente'l colectivu Softastur, el Colexu d'Inxenieros n'Informática del Principáu d'Asturies y l'Academia de la Llingua Asturiana.
Esti centru ellabora propuestes terminolóxiques d'aplicación a los usos nuevos de la llingua asturiana y ufre la disponibilidá de consulta al traviés d'una estaya concreta dientro de la páxina web de l'Academia de la Llingua Asturiana. Hasta'l momentu publicó más de venti propuestes terminolóxiques que van d'ámbitos tan estremaos como la bioloxía, el teatru, el fútbol, la medicina, el turismu, la meteoroloxía o les matemátiques, informa Europa Press.