L'ALLA va presentar un estudiu sociollingüísticu sobre l'usu del asturianu n'Uviéu, Xixón y Avilés
AGORA
Trátase d'una investigación «complexa y inédita» porque, «ta centrada nel análisis del nivel d'habilidá llingüística de la población adulto nos noyos urbanos más importantes d'Asturies»
27 feb 2023 . Actualizado a las 16:24 h.L'Academia de la Llingua Asturiana va presentar esti martes 28 de febreru'l resultáu d'un estudiu sociollingüísticu que toma como referencia'l conocimientu real del asturianu na población urbano de les tres ciudaes más importantes d'Asturies: Uviéu, Xixón y Avilés.
Según indiquen dende la institución, trátase d'una investigación «complexa y inédita» porque, «más allá de la opinión de la xente, ta centrada nel análisis del nivel d'habilidá llingüística de la población adulto nos noyos urbanos más importantes d'Asturies».
«El gran interés de los resultaos ruempe cola creyencia, enxamásdemostrada, de que'l conocimientu del asturianu taba arrequexáu nos contestos más rurales y aisllaos d'Asturies», indiquen. Coles mesmes, señalen que l'análisis de los datos van permitir plantear una política llingüística «rigurosa, realista y axustada a la situación sociollingüística real de la nuestra comunidá», informa Europa Press.