David Guardado, académicu de númberu nuevu de l'ALLA

G.G. OVIEDO

AGORA

El director de la Fundación Municipal de Cultura, Miguel Barrero (en el centro), el director general de Política Llingüística del Principado, Antón García (izda), y David Guardado, durante la presentación del Día de la Reciella. ARCHIVO
El director de la Fundación Municipal de Cultura, Miguel Barrero (en el centro), el director general de Política Llingüística del Principado, Antón García (izda), y David Guardado, durante la presentación del Día de la Reciella. ARCHIVO

El llingüísta ye una de les persones que más trabayó nes últimes décades pola presencia del asturianu nes tecnoloxíes nueves

13 abr 2023 . Actualizado a las 13:03 h.

La Xunta Estraordinaria de la Llingua Asturiana (ALLA) aprobó por unanimidá'l nomamientu David Guardado como miembru numberariu de la institución. El llingüísta ye una de les persones que más trabayó nes últimes décades pola presencia del asturianu nes tecnoloxíes nueves.

David Guardado Diez (Xixón, 1970) ye llicenciáu en Filoloxía Inglesa, diplomáu n'Estudios Avanzaos en Filoloxía y Especialista Universitariu en Llingua Asturiana. Los sos intereses d'investigación pasen pela sociollingüística y la historia esterna de la llingua. Per otru llau, la so carrera profesional céntrase na tresformación dixital, «ámbitu nel que ye una autoridá a nivel estatal», indicaron dende l'ALLA.

Pioneru na presencia del asturianu n'internet, yá dende la última década del sieglu pasáu, foi coautor d'iniciatives enfocaes na información xeneral y cultural que permitieron asitiar esti idioma nes tecnoloxíes nueves de la información.

Guardado ye autor de dellos artículos y del ensayu 'Llingua estándar y normalización llingüística'. Amás de participar en proyectos editoriales y culturales ye ún de los fundadores de l'asociación 'Reciella-Families pol Asturies', que trabaya na organización d'actividaes dirixíes a la tresmisión interxeneracional del asturianu.

Al académicu de númberu nuevu va acoyelu oficialmente la institución el vienres 5 de mayu, nel que l'ALLA va celebrar a les 19.00 hores nel Teatru Campoamor d'Uviéu l'actu solemne del 44 Día de les Lletres Asturianes, informa Europa Press.