La manifestación pola oficialidá de la XDLA va ser el sábadu 6 de mayu

G.G. REDACCIÓN

AGORA

Va salir de la Estación del Norte d'Uviéu a les 12.00 hores del sábadu 6 de mayu y va atravesar la cai Uría p'acabar na Plaza de La Escandalera

15 abr 2023 . Actualizado a las 11:15 h.

La manifestación pola oficialidá de la llingua asturiana y el gallego-asturianu qu'entama la Xunta pola Defensa de la Llingua Asturiana (XDLA) nel Día de les Lletres va celebrase n'Uviéu'l sábadu 6 de mayu.

La organización vien entamando esta marcha dende hai más de tres décades, tradicionalmente'l vienres, Día de les Lletres Asturianes, enantes de la Xunta Estraordinaria de l'Academia de la Llingua Asturiana nel Teatru Campoamor, qu'esti añu la insitución decidió adelantar a les 19.00 hores.

Anguaño, la manifestación pa reclamar la oficialidá va salir de la Estación del Norte d'Uviéu a les 12.00 hores del sábadu 6 de mayu y va atravesar la cai Uría p'acabar na Plaza de La Escandalera, onde va lleese'l discursu de la convocatoria y va haber delles actuaciones musicales.