Cuentos y poemes n'asturianu nel centru social de Barros con Solinca Turbón

G.G.

AGORA

Ye llicenciada en Psicoloxía y Máster en Xestión integrada de la empresa y trabaya n´el Departamentu de Cultura del Ayuntamientu de Llangreu

20 abr 2023 . Actualizado a las 13:53 h.

Solinca Turbón, (Llangréu, 1981), ye llicenciada en Psicoloxía y Máster en Xestión integrada de la empresa. Trabaya n’el Departamentu de Cultura del Ayuntamientu de Llangreu. Ye escritora multipremiada, tanto en prosa como en poesía. Resultó ganadora del IX Nené Losada Rico de poesía en 2014 con Lliteratura interna y del XV Fernán Coronas de poesía en 2018 con Reflexones d'un cuerpu opacu. Ambos espublizaos pola Editorial Trabe.

En narrativa foi tercer premiu nel Concursu de microrrellatos improvisaos pa xente mozo Entaína a escribir en 2016 con Convivencia y en 2017 con L'amor.Tamién foi segundu premiu nel XXIV Concursu de cuentos pola oficialidá del asturianu de Bimenes en 2021 con Enguedeyos y mentires y en 2022 na XXV edición del mesmu con Teresa.

Esti historial llevó a que n'agostu de 2022 formara parte de la Delegación Asturiana, en representación de la parte lliteraria, nel Festival Intercélticu de Lorient, na Bretaña Francesa. A más de todo lo dicho tien testos espublizaos n'antoloxíes como Que nun se pierda nel aire, Escritores asturianes o Al horru y revistes como Formientu o Lliteratura ente otres. Seguramente podremos esperar más próximamente, porque ye miembru peractivu de la tertulia lliteraria Malory y del Sindicatu d'autores de Llangreu, sección de la Tertulia Encuentros.