El Principau espubliza un webcómic colos acontecimientos de la rebelión del 25 de mayu
27 abr 2023 . Actualizado a las 05:00 h.El 25 de mayu ye l'otru día d'Asturies. Nesta fecha conmemórase'l llevantamientu de los asturianos contra la invasión napoleónica, pero foi tamién la primer ocasión na que se declaró la soberanía popular na península y tamién cuando se creó l'actual bandera d'Asturies.
Para conmemoralo'l gobiernu del Principáu va espublizar a lo llargo d'esti mes de mayu un webcómic, con distintos capítulos periódicos nos que se va dar a conocer esti episodiu destacáu de la historia.
El webcómic, escritu y dibuxáu pol ilustrador fincáu en Xixón Javi de Castro (Lleón, 1990), ta compuestu por ocho histories que narren los acontecimientos que derivaron na rebelión del 25 de mayu de 1808 y va dir desbloquiándose na web, por capítulos, ente los díes 3 y 25 de mayu, según el programa que vien darréu:
- I. Camín (miércoles, 3 de mayu).
- II. 9 de mayu (martes, 9 de mayu).
- III. Xuaca (vienres, 12 de mayu).
- IV. Boquiaes (llunes, 15 de mayu).
- V. El cursu del agua (miércoles, 17 de mayu).
- VI. Los que vuelvan (vienres, 19 de mayu).
- VII. La llave (martes, 23 de mayu).
- VIII. 25 de mayu (xueves, 25 de mayu).
Xunto al webcómic, la páxina va allugar un audiu cola carta razonada que Xovellanos unvió al marqués de Camposagrado onde definía cómo teníen de ser la bandera y escudu del Principáu