Mieres recupera la tradición de cantar de chigre

E. G. B.

AGORA

Cartelu de Cantares de Chigre
Cartelu de Cantares de Chigre

La iniciativa va contar cola actuación de 10 grupos y cantantes en distintos llocales tolos xueves de mayu

02 may 2023 . Actualizado a las 13:57 h.

Mieres pon en marcha Cantares de Chigre, una iniciativa de la conceyalía de Comerciu pa recuperar la tradición de cantar nos chigres del conceyu y que, nesta primer edición, va contar cola actuación de diez grupos y cantantes en distintos establecimientos tolos xueves del mes de mayu, con un alcuentru final na Plaza de Requexu'l día 1 de xunu.

Dende esti xueves 4 de mayu, siempre a partir de les 20 hores, van actuar Coral Cantares, Dúo Factoría C, Agrupación Musical Solvay, Música de Sofá, Liliana Castañón y Álvaro Conde, Grupu Prau Llerón, Jimaguas, Fernando Valle Roso y Silvia Moreno, Pandereteres Grupu L’Artusu y La Versión de los Hechos.

Los establecimientos participantes nesta primer edición de Cantares de Chigre, que van dir rotando nes próximes, son Drink Var, La Solana, Sidrería Alonso, Madreselva, Barolaya, Continental, Ca’Laura, Sidrería Fulgencio, Casa Flora y Los Valles Mineros.

Según informen dende'l conceyu, Cantares de Chigre nun pretende namás ser una cita onde esfrutar como públicu, sinón que tien como oxetivu que tol mundu se sume a cantar, como siempre se fizo nos chigres del conceyu.

Pa ello, la conceyalía de Normalización Llingüística editó un folletu coles lletres de cantares como Soi de Verdiciu, El Xiringüelu o Chalaneru. La idea ye que tol mundu s'anime a cantar nestos Cantares de Chigre qu'empiecen yá mesmu. Los llibros coles lletres pueden recoyese na Casa de Cultura y tamién nos establecimientos participantes. Amás, pueden consultase na web del conceyu nesti enllaz.