La iniciativa desenvuélvese de manera collaborativa colos conceyos de Llanera y Siero, del 5 al 7 de mayu
04 may 2023 . Actualizado a las 05:00 h.El Festival Internacional de Maxa d'Asturies va celebrase en Corvera la próxima fin de selmana, del 5 al 7 de mayu, con espectáculos gratuitos en distintes sedes municipales, según esplicó l'alcalde del conceyu, Iván Fernández, nel actu de presentación de la programación.
El rexidor, que tuvo acompañáu por José Armas «El ilusionista», director artísticu del eventu, esplicó qu'esti festival de maxa vien a arriquecer la ufierta cultural, d'ociu y entretenimientu qu'ofrez el conceyu en toles parroquies.
El festival, que se desenvuelve de manera collaborativa colos conceyos de Llanera y Siero, «ye un exemplu de que si los conceyos se xunen son capaces d'ufiertar una ufierta cultural que, calteniendo la mesma calidá, tenga menos costu pa les arques municipales», dixo'l rexidor llocal.
El festival va dar cominezu'l vienres con una Gala de Maxa nel teatru El Llar a les 20.00 hores, presentada por Pepín Banzo, quien se convirtió nún de los magos presentadores imprescindibles, esplicó Armas.
Tamién va participar na Gala Amadeo Edama, «aclamáu igualmente pola crítica y espectadores, que'l so trabayu foi reconocíu con numberosos premios de maxa d'escena». El festival va contar coles actuaciones de los artistes Kayto, Jaco, José Avelino Iglesias «Chas» o Jeff Toussaint, ente otros.