La marcha va celebrase esti sábadu 6 de mayu con salida a les 12.00 hores de la Estación del Norte d'Uviéu
03 may 2023 . Actualizado a las 22:17 h.La manifestación pola oficialidá de la llingua asturiana y el gallego-asturianu va cuntar coles actuaciones d'Ún de Grao, Alicia Álvarez y David Varela y Misiva pa poner el ramu a la convocatria.
La marcha, qu'entama la Xunta pola Defensa de la Llingua Asturiana (XDLA) pol Día de les Lletres, va celebrase esti sábadu 6 de mayu con salida a les 12.00 hores de la Estación del Norte d'Uviéu.
La marcha va atravesar la cai Uría p'acabar na Plaza de La Escandalera, onde va lleese'l discursu de la convocatoria, del que va encargase l'actriz Natalia Suárez Ríos, y onde van celebrase les actuaciones musicales.
La organización lleva 40 años entamando esta manifestación, na que nesta ocasión van tener un protagonismu especiales les lletres de la palabra oficialidá. «Asina, la XDLA quier reivindicar que los derechos llingüísticos de los asturianos y les asturianes nun merecen más aplazamientos y que van siguir saliendo a la cai pa reclamalos», señalaron dende la organización al traviés de nota de prensa.