Fusión asturiana y alemana na investigación sobro la era de los dinosaurios

G.G. UVIÉU

AGORA

Una pareja de visitantes observa algunas de las piezas que se exponen en el MUJA
Una pareja de visitantes observa algunas de las piezas que se exponen en el MUJA Juan González | EFE

El MUXA va collaborar col Gondwana p'afondar nel Triásicu, Xurásicu y Cretácicu

23 may 2023 . Actualizado a las 05:00 h.

El muséu alemán d'historia natural «Gondwana das Praeshistorium» y el Muséu Xurásicu d'Asturies (MUXA) van impulsar investigaciones y actividaes de promoción conxuntes p'afondar nel estudiu de la era de los dinosaurios y los sos trés periodos: Triásicu, Xurásicu y Cretácicu.

La conseyera de Cultura, Política Llingüística y Turismu, Berta Piñán, y l'alcaldesa de Colunga, Sandra Cuesta, axuntáronse pa perfilar, ente otres cuestiones, los términos d'esta nueva collaboración. Cultura y la institución alemana van roblar un alcuerdu de cooperación hasta 2028 pa collaborar en proyectos concretos d'investigación y espardimientu del patrimoniu natural, sobre manera, no rellacionao col estudiu de la evolución de la vida na Tierra dende los sos anicios hasta la llegada del home.

Amás d'investigaciones conxuntes, el protocolu contempla la promoción mutua de dambes instituciones y el desenvolvimientu de programes de divulgación científica, y tamién establez la creación d'una comisión de siguimientu, integrada por dos persones en representación de cada institución, pa velar pol cumplimientu de los términos del alcuerdu.

El muséu «Gondwana das Praehistorium», con una ufierta inmersiva y interactiva pa percorrer 4.600 millones d'años na historia y evolución del planeta, nuna esposición permanente ufierta una secuencia de 21 mundos prehistóricos nuna superficie de 10.000 metros cuadraos.