El tornéu va apostar del 29 de xunetu al 1 d'agostu sobro'l sable de la sablera de La Ribera
22 may 2023 . Actualizado a las 13:53 h.El xugador francés Richard Gasquet xúnese al cartelu del 36 Tornéu BDO-Tenis Playa de Lluanco, que se va disputar del 29 de xunetu al 1 d'agostu sobro'l sable de la sablera de La Ribera, onde tamién van tar Bernabé Zapata, Feliciano López, Edas Butvilas, Miguel Avendaño, Iker Sevilla, Daniel Mérida y Luis Llorens.
Gasquet, de 36 años y númberu 50 de mundu, tien dieciséis títulos ATP nel so palmarés, amás d'una Copa Davis (2017) y una medaya olímpica (bronce xunto a Julien Benneteau en Londres, 2012). Llegó a trés finales de torneos Masters 1.000, que perdió frente a Roger Federer (Hamburgu y Toronto) y Novak Djokovic (Toronto).
En 2002, con quince años, convirtiose nel xugador más nuevu que superó una fas previa d'un Masters Series, en Montecarlu, y poco dempués nel segundu más nuevu en disputar el cuadru principal de Roland Garros. Acabó esi añu como'l meyor junior del mundu, al ganar en Roland Garros y el US Open, amás d'algamar les semifinales n'Australia.
Esta temporada proclamóse campeón nel tornéu d'Auckland y foi semifinalista en Burdeos.