Los exámenes tanto del B2 como del C1 van empezar el sábadu 30 de setiembre, cola prueba escrita. La parte oral va desenvolvese a partir del 9 d'ochobre.
23 may 2023 . Actualizado a las 17:40 h.Un total de 216 persones inscribiéronse pa realizar l'exame que certifica un nivel intermediu B2 o un nivel avanzáu C1 de llingua asturiana. Ye la cuarta vez que se fai la prueba del B2 y el tercer añu de la del C1.
La Conseyería d'Educación punxo en marcha estes pruebes nel añu 2020, cuando s'abrió una convocatoria de 500 places pa la que se rexistraron 800 solicitúes. Un añu depués, la ufierta foi de 300 places y hubo 431 persones inscrites. Nesos trés años, el volume d'inscripciones estabilizóse, polo que la Conseyería decidió abrir directamente la inscripción.
Educación entama una vez al añu pruebes pa un mínimu d'ún de los niveles: básicu A1, básicu A2, intermediu B1, intermediu B2 y avanzáu C1. En caún va haber --los dos niveles del básicu y el B1 tovía nun se convocaron nunca- una prueba de certificación qu'acredite'l nivel de comprensión y espresión oral y escrita en llingua asturiana.
Los exámenes tanto del B2 como del C1 van empezar el sábadu 30 de setiembre, cola prueba escrita. La parte oral va desenvolvese a partir del 9 d'ochobre, informó Europa Press.