La entrada ye gratuita y va tener llugar la xornada del sábadu 27 de mayu nel Muséu del Pueblu d'Asturies
25 may 2023 . Actualizado a las 12:49 h.La Caja de Músic@s nacía nel añu 2008 en Xixón por iniciativa d'un grupu de músiques y músicos d'Asturies pa promover la música en directo y la defensa de los derechos llaborales d'esti colectivu. Güei tien más de 50 socies y socios qu'entamen de manera periódica actividaes culturales nel l.ocal asociativu de la cai Bon Sucesu, amás de que'l colectivu participa en distintos espacios d'activismu y política institucional en defensa de condiciones dignes pa los profesionales de la cultura, especialmente pa quien se dedique a la música.
Caltener una asociación cultural viva mientres 15 años ye un motivu de celebración y por esta razón la Caja entama esti sábadu, 27 de mayu, un festival de música en directo nel Muséu del Pueblu d’Asturies, gratuitu y abiertu a tola ciudadanía de Xixón. Esti alcuentru popular va tener llugar ente les 13 y les 21 hores y, a lo llargo del día, van dase cita delles propuestes musicales d'ámbitu llocal y nacional. El cartelu ta formáu por Bigote de Mujer, Lady Llagar, L-R, Fruela 757, Tigre y Diamante y Bladimir Ros.