Canga diz que «nun va haber oficialidá nesta llexislatura»
29 may 2023 . Actualizado a las 14:26 h.Iniciativa pol Asturianu reclamó esti llunes a los partíos que lleven la oficialidá nel so programa electoral que desarrollen «al máximu» la Llei d'Usu del asturianu al traviés d'un Plan de Normalización Llingüística.
La organización destacó al traviés de nota de prensa que la suma de los partíos que lleven la oficialidá nel programa electoral suma 24 escaños, polo que reclamó a FSA, IX-Más País-IAS, Podemos y Foru alcuerdos y «nun perder tiempu na dignificación» del asturianu y del gallego-asturianu, informó Europa Press.
Amás, reclamen «siguir trabayando na busca de consensos nuevos» p'algamar la oficialidá. «Asturies nun pue siguir siendo una anomalía en derechos llingüísticos y protección del patrimoniu inmaterial que son les nueses llingües», señalaron.
El candidatu del PP a la Presidencia del Principáu d'Asturies, Diego Canga, dixo que «nun va haber» oficialidá del asturianu nesta llexislatura, porque «pa cualquier reforma del Estatutu hai que cuntar col PP. Vuelve'l bipartitu a Asturies», manifestó.