Educación realiza les pruebes de certificación d'idiomes nes sos ocho escueles oficiales
AGORA
Los inscritos pa les pruebes d'inglés representen cuasi'l 85% del total, siguíos polos de francés
07 jun 2023 . Actualizado a las 16:44 h.La Conseyería d'Educación ta realizando les pruebes de certificación d'idiomes pa evaluar y acreditar la competencia llingüística n'inglés, francés, alemán y italianu. Anguaño inscribiéronse 3.474 persones nes ocho Escueles Oficiales d'Idiomes del Principáu, una cifra llixeramente superior a la de 2022.
Según informó la Conseyería, los inscritos pa les pruebes d'inglés representen cuasi'l 85% del total (2.951), siguíos polos de francés, con un 9% (314); alemán, con un 3,2% (111), y italianu, col 2,8% restante (98).
Les pruebes tomen los niveles básicu (A2), intermediu (B1 y B2) y avanzáu (C1 y C2), anque en llingua italiana nun s'aplica'l nivel avanzáu C2. Les pruebes de la convocatoria ordinaria van realizase hasta'l día 15 de xunu, mentes que la estraordinaria va ser ente'l 11 y el 25 de setiembre.
Les sedes son les mesmes escueles d'idiomes d'Uviéu, Xixón, Avilés, Cangas, Llangréu, Llanes, Lluarca y Mieres del Camín. La conseyería procuró que les persones aspirantes faigan la prueba nes sedes nes que formalizaron la inscripción. Namás un 10% tien asignada una sede distinta por cuestiones de capacidá organizativa.
El profesoráu de los departamentos didácticos de les Escueles Oficiales d'Idiomes va encargase d'evaluar y calificar a les persones aspirantes. Cada departamentu de cada centru constitúyese n'ente evaluador, de manera que va haber 22 tribunales repartíos nes ocho sedes y integraos por cuasi 150 docentes, informa Europa Press.