Dende las 19.30 va a poder esfrutase de varies actuaciones de música tradicional asturiana
23 jun 2023 . Actualizado a las 12:33 h.Un añu más l'asociación sociocultural La Semiente ye la encargada de la Foguera de San Xuan de L'Entregu. Según espliquen, esti añu, siendo vienres, yera momentu d'entamar un festival con actuaciones y carpa, y pa ello xunen esfuerzos con otra asociación del conceyu L'Osu Xabaz, organizadores del festival Que Nun Apare, que asina consiguen un espaciu amañosu onde proponer actividaes.
Asina, dende les 19.30 hores nel autodenominau como prau de la foguera, al llau del campu fútbol Nuevu Nalón, va poder esfrutase de varies actuaciones de música tradicional asturiana pa baillar nel Escurecer en Danza. Enantes de prender la foguera a medianueche, va ser el turnu de Ilustres Patilludos y el so chigrebilly. Dempues de prender la foguera y baillar la danza prima, La Tarrancha va a poner a baillar al personal col so mezigayu-ska y presentando la so xira Venti. Y pa dempués de los conciertos, la folixa nun apara, con la fina esbilla de música xamaicana de Allanai y el su sound system.
Too ello en un eventu autoxestionau, con entrada llibre y con una barra dispuesta poles asociaciones organizadores con bébora y bocadillos pa pasar la tarde y la nueche nel prau.