El buque Emma Bardán va cartografiar la plataforma continental de la costa asturiana
28 jun 2023 . Actualizado a las 05:00 h.Hai tamién una Asturies somarina que nun apaez en tolos mapes, pero ye cuestión de tiempu que se detallen los sos fondos cañones y abismos baxo'l mar. Esti ye'l propósitu del buque Emma Bardán, que con base nel puertu de Xixón, va percorrer la costa asturiana pa cartografiar la so plataforma continental.
Según esplicó'l Ministeriu d'Agricultura, Pesca y Alimentación (MAPA) la campaña va llevase a cabu del 28 de xunu al 9 d'agostu, y tien por oxetivu cartografiar una zona de 8 o 9 metros de fondura hasta unos 200 metros aproximadamente.
Y hai prioridaes. Nesta ocasión, el focu va tar puestu nel área dende'l cabu Peñes hasta'l cañón de Llanes y dende Punta Coín hasta Llanes, según el MAPA, que destacó la importancia de la información atropada pa tomar midíes necesaries d'ordenación y protección del mediu marín.
Pal reconocimientu batimétricu (estudiu de la fondura) va realizase un recubrimientu al 100 % de les zones per aciu d'ecosonda multifaz, van tomase muestres de sedimentos y van facese perfiles sísmicos.