La estensión de los trabayos ha ser d'ente 75 y 130 páxines y el premiu pa la obra ganadora va ser de 3000 euros
05 jul 2023 . Actualizado a las 11:54 h.La Oficina de Normalización Llingüística del Conceyu de Xixón convocó la III edición del Premiu de Novela Curtia Andrés Solar Santurio. Les obres han tar escrites n'asturianu, ser inédites y nun tar yá premiaes n'otru concursu.
El plazu de presentación de trabayos ta abiertu dende güei 4 de xunetu hasta'l 26 de setiembre de 2023, Día Européu de les Llingües, y puen presentase per corréu electrónicu a llinguaasturiana@gijon.es o postal a la Fundación Municipal de Cultura, Educación y Universidá Popular de Xixón (C/ Xovellanos, 21).
La estensión de los trabayos ha ser d'ente 75 y 130 páxines y el premiu pa la obra ganadora va ser de 3000 euros, según indicaron dende la Oficina de Normalización Llingüística, informa Europa Press.