Reconoz que la reforma del Estautu «foi un fracaso»
12 jul 2023 . Actualizado a las 14:07 h.El presidente en funciones del Principáu, Adrián Barbón, mostróse convencíu de que l'asturianu va ser llingua oficial «más ceo que tarde». Barbón, nuna conversación cola periodista Mili Cimadevilla nel marcu de la Semana Negra de Xixón, reconoció que la reforma del Estatutu «foi un fracasu». «De xuru que nos enquivoquemos na forma de negociar», apuntó, a lo que sumó'l que tuvieron «una ensoñación, nun había 27 votos», dixo.
«L'asturianu tien futuru y va ser llingua oficial más ceo que tarde», dixo, enantes de criticar a la derecha que «faiga d'eso un drama» cuando en Galicia'l PP defende la identidá gallega «ensin nengún problema».
Coles mesmes, apostó por recuperar l'autoestima, reivindicar la tradición y les llingües. Indicó que ye consciente de que los asturianos quieren cambios y quien los va a protagonizar ye'l PSOE.
Animó, nesta llinia, a vencer esi «mieu históricu» al cambiu o idealizar los años 70, onde había un clima «falseáu dafechu» con una economía basada na empresa pública. Ente los retos, citó la tresformación económica del Principáu, la social, y «aprender a querese», infoma Europa Press.