El sector espera recuperar un públicu perdíu na pandemia
12 jul 2023 . Actualizado a las 22:15 h.Seis sales de cine d'Asturies sumáronse a la campaña Cine Senior, dirixida a los mayores de 65 años y qu'ufierta dende esta selmana precios escelentes pa ver una película: dos euros la entrada.
Les sales asturianes que participen nesta iniciativa son: Cinesa Intu, en Siero, de Parque Principado; Ocine Premium Los Fresnos, en Xixón; el cine Fantasio de Navia; Odeón Parque Astur, en Corvera; y los Yelmo de Los Prados n'Uviéu y Ocimax en Xixón.
«Esperamos qu'esta acción suponga un puntu d'inflexón pa recuperar a un públicu fundamental como son los mayores, que siempre fueron grandes usuarios del cine en pantalla grande», dixo'l director xeneral de la Federación de Cines d'España (FECE), Luis Gil na presentación d'esta iniciativa señalando que les sales sufrieren especialmente que dexara de dir un públicu mayor por mieu a la pandemia.
Un total de 420 cines, con más de 3.000 sales en toa España, sumáronse a esti plan pa que los mayores de 65 años puedan asistir al cine un día a la selmana por un preciu amenorgáu de dos euros los martes (día que va pasar a la fin de selmana si les sales solo abren el sábadu y domingu o si cierren los martes).
Según datos del Institutu de la Cinematografía y de les Artes Audiovisuales (ICAA), citaos pola axencia Efe, calcúlase que van poder beneficiase 9,5 millones de persones.