L'autor ye un intelectual referente na llucha contra'l colonialismu portugués y esta obra escribióla nuna selmana nun campu de concentración de Cabu Verde
13 jul 2023 . Actualizado a las 14:57 h.Ediciones Trabe ta acabantes de publicar 'Nós, los del Makulusu', una novela del angolanu Luandino Vieira con versión n'asturianu del xixonés Iván Cuevas. L'autor ye un intelectual referente na llucha contra'l colonialismu portugués y esta obra escribióla nuna selmana nun campu de concentración de Cabu Verde.
En 'Nós, los del Makulusu', el protagonista, Más-Velho, xúntase a otres trés personaxes que crecieron xuntes nel Makulusu, barriu probe de Luanda: Maninho, Paizinho y Kibiaka. L'argumentu, ambientáu nun momentu de griesca na llucha de lliberación nacional d'Angola, demuestra como la violencia del colonialismu obliga los compañeros d'aventures infantiles a escoyer caminos diferentes.
José Luandino Vieira (Lagoa do Furadouro, 1935) ye ún de los principales escritores africanos d'espresión portuguesa y ún de los más creativos de la lliteratura angolana. Autor d'una ventena de llibros, ganó distintos premios lliterarios, foi director del Instituto Angolano de Cinema y de la Televisão Popular de Angola, secretariu xeneral de la União dos Escritores Angolanos y de l'Associação dos Escritores Afroasiáticos; informó Europa Press.