El responsable d'empreses d'Inserta Empleo esplica que lloñe de suponer un hándicap puede ser bien beneficioso a nivel de subvenciones y d'aportación de talentu
29 jul 2023 . Actualizado a las 05:00 h.Inserta Empleo, la entidá de Fundación ONCE pa la formación y l'emplegu de les persones con discapacidá, celebró n'Avilés un actu para potenciar esti tipu de contrataciones sobre les qu'hai munchu desconocimientu, según Carlos María Sierra, de la organización.
El responsable d'empreses d'Inserta Empleo esplicó qu'esti tipu d'eventos sirven pa que l'empresariu tenga conocencia de lo que supón contratar a persones con discapacidá y sepan que lloñe de suponer un hándicap puede ser bien beneficioso a nivel de subvenciones y d'aportación de talentu a les plantiyes de trabayadores.
La xornada titulada «Alcuentros col Talentu» tuvo llugar nel Pabellón d'Esposiciones y Congresos La Madalena, n'Avilés, cola presencia del conceyal d'Educación, Formación y Emplegu d'Avilés, Juan Carlos Guerrero, y la presidenta de la Comisión de Promoción Económica de la Cámara de Comerciu, Mónica Blanco, ente otros.
El programa Talentos, cofinanciáu pol Fondu Social Européu nel marcu del Programa Operativu d'Inclusión Social y de la Economía Social (Poises), tien como oxetivu fomentar la contratación de les persones con discapacidá per aciu d'una serie d'alcuentros con empreses, nesta ocasión allugaes n'Avilés y la so área d'influyencia, pa dar a conocer les ventayes d'apostar pola inclusión llaboral. El conceyal destacó la importancia de dar visibilidá a una parte de la población «pa qu'esi talentu nun s'esperdicie».