4.000 tonelaes d'aceite industrial usao recoyío n'Asturies tresfórmense en llubrificantes nuevos y enerxía
AGORA
La industria foi l'actividá de mayor xeneración d'esti residuu peligroso, col 58% del volume total recuperao
03 ago 2023 . Actualizado a las 22:09 h.La Economía Circular avanza n'Asturies. El 25% del aceite industrial usao recoyío na rexón l'añu pasao destinóse a rexeneración, el tratamientu permite convertir el residuu en llubrificantes nuevos. Gracies al residuu refecho foi posible producir cerca de 600 tonelaes de llubrificantes nuevos, evitando asina'l consumu de 269.000 barriles de petroleu y la emisión a l'atmósfera de más de 600 tonelaes de CO2. El 46% del aceite usao destínase a valorización enerxética, produciendo un combustible similar al fuel oleu.
L'aceite industrial ye un productu emplegao dende va munchu en diversos ámbitos de la nuestra sociedá a cuenta de la so versatilidá. Amás de la so aplicación nos motores de vehículos, úsase nuna gran variedá de procesos industriales y n'otres actividaes onde s'utilicen engranaxes y maquinaria de cualquier tipu: dende'l pequeñu xenerador d'enerxía d'un hotel hasta un aeroxenerador nel visu d'una llomba. Por cuenta d'esta diversidá d'usos, xenérense aceites usaos en tolos rincones del territoriu.
En 2022, más de 1.400 establecimientos asturianos de tou tipu xeneraron 4.894 tonelaes brutes d'aceites industriales usaos (una cantidá qu'inclúi un 24% d'impropios, como agua o sedimentos). Más de la metá d'estos establecimientos (797) fueron talleres mecánicos (establecimientos multimarca, multiservicios, concesionarios, mecánica rápida, etc.), sicasí, la industria foi l'actividá de mayor xeneración d'esti residuu peligrosu, col 58% del volume total recuperáu nesta comunidá por SIGAUS, el sistema encargáu de xestionar esti residuu peligrosu en toa España.
El restu del residuu recuéyese en sectores bien heteroxéneos, como l'agricultura, el comerciu, la hostelería, el tresporte o la construcción, y puntos de xeneración bien diversos, como hospitales, instalaciones militares, centros educativos o puntos llimpios, ente otros, que xunto a los establecimientos industriales sumaron un total de 633 establecimientos (el 44% del total).